மரண நிழல்

   முதலில் ஜனங்கள் அதைப் புரிந்து கொள்ள இயலாமல், அது தவறென்றும், நான் வெறுமனே கூறுகிறேன் என்றும் எண்ணினர். அôனால் அது உண்மையென்பதை நிரூபிக்க, பரிசுத்த ஆவியானவர் விஞ்ஞான கருவிகளின் மூலம் அநேக முறை அதைப் புகைப்படம் எடுக்கச் செய்தார்.

    நான், ‘ஒரு ஸ்திரீ மரண நிழலினால் மூடப்பட்டிருக்கிறாள்’ என்று உரைத்தேன். அவள் புகைப்படத்தை எடுத்த போது, ஒரு கறுத்த நிழல் அவளை மூடியிருந்தது. சில வாரங்களுக்கு முன்பு ஒரு பட்டணத்தில் நான் பிரசங்கம் செய்து கொண்டிருந்தேன். பிரசங்கம் நடந்து கொண்டிருக்கும்போது, நாங்கள் பிரசங்கிக்கையில், நீங்கள்-நீங்கள் புகைப்படம் எடுக்கக்கூடாது என்பது உங்களுக்குத் தெரியும், பிரசங்கம் செய்கையில் இந்த புகைப்படம் எடுத்த போதும், அதே நியதி கடைபிடிக்கப்பட்டு வந்தது. ஆனால் யாரோ ஒருவர் ஒரு புகைப்படக் கருவியை, காமிராவை வைத்திருந்தார்.

   ஆகவே நான் அங்கே உட்கார்ந்து கொண்டிருந்த, அந்நியராகிய ஸ்திரீயை நோக்கி கூறினேன்... நான்-நான் சதர்ன் பைன்ஸில் இருந்தபோது, நான், செல்வி இன்னார்-இன்னார் அவர்கள் மீது ஒரு நிழல் காணப்படுகின்றது’ என்றேன். என் வாழ்க்கையில் நான் முன்பு கண்டிராத ஒரு ஸ்திரீ. ‘நீங்கள் இப்பொழுது தான் வைத்தியரைக் கண்டு வந்திருக்கிறீர்கள். உங்கள் இரு மார்பகங்களிலும் புற்று நோய் பரவியுள்ளது. நீங்கள் வைத்தியரால் கைவிடப்பட்டீர்கள். மரணத்திற்கேதுவான ஒரு கறுத்த முகமூடி உங்களை நிழலிட்டிருக்கிறது’ என்றேன்.

     அப்பொழுது காமிராவை வைத்துக் கொண்டிருந்த சகோதரியிடம், ‘அந்த ஸ்திரீயை புகைப்படம் எடு’ என்று ஏதோ ஒன்று கூறினது. புகைப்படம் எடுக்க அந்த சகோதரிக்கு விருப்பமில்லை. ஆனால் மேலும் மேலும் ‘புகைப்படம் எடு’ என்னும் கட்டளை தொனித்துக்கொண்டேயிருந்ததால், திடீரென்று காமிராவை எடுத்து புகைப்படத்தை... புகைப்படத்தை எடுத்தார்கள். விஞ்ஞானப்பூர்வமாக நிரூபிக்கப்பட்டது, அதோ அங்கே இருக்கின்றது. கறுத்த நிழல்; அங்கே அறிக்கைப் பலகையில் தொங்கிக் கொண்டிருக்கின்றது.

‘சுகமடைவேன்’ என்னும் விசுவாசம் அந்த ஸ்திரீக்கு தோன்றினபோது, அவர்களுக்காக ஜெபம் ஏறெடுக்கப்பட்டது. ‘அந்த நிழல் மறைந்துவிட்டது’ என்று நான் கூறின மாத்திரத்தில், மற்றொரு புகைப்படம் எடுக்கப்பட்டது. பாருங்கள்? அதில் கறுத்த மூடி மறைந்துபோய், புகைப்படம் தெளிவாகக் காணப்பட்டது. தேவனுடைய கிருபையால் அந்த ஸ்திரீ உயிரோடிருக்கிறார்கள்.

ஐயா, இதுதான் முடிவின் அடையாளமா?, டிசம்பர் 30, 1962